Gitapos sa mga Barangay Nutrition Scholars ug Barangay Nutrition Committees ang kasaulogan sa Nutrition Month nga giunhan sa City Nutrition Committee nga gipangulohan ni Mayor Klarex Uy, Martes, Agosto 8 diha sa City Tourism Hall, ning siyudad.
Ang ika-49 nga Nutrition Month nagdala sa temang: “HEALTHY DIET gawing affordable FOR ALL.”
Atol sa kalihokan, naangkon sa barangay Carmen ang P20,000 cash prize human nahimong kampeon sa dance contest, samtang P15,000 ang nasakmit sa barangay Tignapoloan isip second placer, ug P10,000 ang nakuha sa barangay Mambuaya isip third placer.
Mitambong sa kalihokan sila si City Health Office Department Manager Dr. Rachel Dilla; City Health Insurance Office Department Manager Dr. Efren Celeste; City Nutrition Action Officer Nenita F. Rabe; mga miyembro sa City Nutrition Committee ug mga punong barangay.
Usa ang nutrisyon sa gihatagan og prayoridad ni Mayor Klarex Uy. Gani, ang Cagayan de Oro ang nag-inusarang LGU mi-qualify sa Nutrition Honor Award, ug nanghinaut si Mayor Klarex Uy nga masungkit sa syudad ang maong award.
News and photo courtesy of CIO CDO