40 ANYOS NGA LALAKI DAKPAN SA BUY-BUST OPERATION

Dakpan ang 40 anyos nga lalaki sa gipahigayon nga buy-bust operation sa Surigao City Police Station Drug Enforcement Unit niadtong Marso 17, 2018 sa may alas 11:30 ang takna sa buntag sa may P-8 Sitio San Jose, Brgy. Mat-I siyudad nan Surigao. Naila ang suspetsado nga si Crisanto Apole Estampa alyas “Rok-rok Estampa”, mag-uuma, residente sa Sitio Hubasan, Brgy. Mat-i.
Nakompiska sa posisyon sa suspek ang usa ka plastic sachet sa gidudahang shabu nga gipalit sa poseur-buyer gikan sa suspek nga adunay gibanabana nga gibug-aton sa 0.1 gramo nga adunay Dangerous Drugs Board (DDB) sa kantidad nga Php 1,180, usa ka ‘sundangay’ nga adunay sukod nga 8 pulgada, kwarta sa kantidad Php470 ka pesos sa nagkalain-laing dominasyon, usa ka pakete sa sigarilyo nga adunay upat ka gagmay nga plastic sachets sa gidudahang shabu nga gibana-bana sa 2.4 gramo nga dunay kantidad nga Php28,320, usa ka libo ka pesos gigamit isip marked money, usa ka itom nga Smith ug Wesson magnum Cal. 22 nga revolver nga adunay upat nga bala. Ang suspek ug ang mga ebidensiya gidala sa Surigao City Police Station alang na sa hustong disposasyon.