Anaa na sa 31 ka insidente sa sunog ang narespondehan sa Bureau of Fire Protection sa General Santos City gikan bulan sa Enero, ning kasamtangang tuig.
Karong bulan lamang, anaa na sa lima ka sunog ang natala sa siyudad.
Sa pakighinabi kang BFP-GenSan Investigator, Senior Fire Officer 3 Allan Rey Imperio, giasoy sa opisyal nga ubos ang maong ihap kung itandi sa susamang panahon sa tuig 2021, diin, anaa sa 51 fire incidents ang natala.
“Mula January ho hanggang August, aabot sa 31 ang natala na sunog. Last year, ang ating naitala, aabot sa 51, kasama na ang maliliit na sunog na tinatawag nating open flame,” ang tipik sa pamahayag sa opisyal.
Alayon niini, subling nagpahinumdom si Imperio sa mga residente sa siyudad nga maginampingon aron malikayan ang sunog. (John Rey Somido)