3,000 bodyguards para sa mga hukom isinusulong sa Kamara

Iminungkahi ng isang mambabatas ang pagtatalaga ng 3,000 bodyguards para sa mga hukom.

Ito ay matapos ang panibagong kaso ng pagpaslang sa isang hukom sa Tagudin, Ilocos Sur Regional Trial Court Branch 25 na si Judge Mario Anacleto Banez.

Ayon kay deputy speaker at Surigao Del Sur Representative Johnny Pimentel, kailangan ng mga huwes ng proteksyon lalo na at patuloy ang pagtaas ng kaso ng pagpaslang sa mga hukom sa bansa.

Samantala, si Banez ang ika-limang hukom na pinatay sa ilalim ng kasalukuyang administrasyon.