Gipahigayon ang usa ka Barangay Tanod Skills Enhancement Training and Seminar sa mga Lokal nga Opisyal didto sa Barangay Olingan ning dakbayan sa Dipolog nga gisugdan niadtong Mayo 7 ug niluntad hangtod Mayo 9 ning tuig.
Ang maong Training and Seminar, gibuksan pinaagi nila ni City Fire Marshal, FC Inp Rommel S Carpio; ZN-PDRRMO Chief, Norman M. Alegarbes ug ang bag-ong nabutang nga Hepe sa Kapolisan,nga si PLtCol Edwin D Verzon.
Gitipik niini ang mga Barangay Tanod isip mao ang nag-una nga gitahasan sa pagsiguro sa kalinaw ug kahapsay sa mga lokal nga komunidad-ug kinahanglan usab nga bansayon ​​sa pagtubag sa mga katalagman ug pagtuman sa mga katuyoan sa gobyerno sa barangay pinaagi sa mga panginahanglanon sa serbisyo publiko.
Ang buhatan ug mga personahe sa ZN-PDRRMO ang nagpasiugda sa maong pagbansay ug lecture nga may kalabot sa Disaster Preparedness and Response Protocol, Rescue Operations, ug Basic First Aid Techniques sa mga Barangay Tanod nga misalmot.
Sa pikas bahin ang mga personahe sa PNP-Dipolog nigahin usab sa ilang kahanas kung unsaon pagpugong sa mga krimen, pagmintinar sa kalinaw ug kahusay, ug pagsiguro sa kaluwasan sa publiko ug internal nga seguridad uban ang aktibong suporta sa komunidad.
Samtang ang BFP-Dipolog, ni-lecture usab sa Basic Fire Fighting Techniques ug Identifying Fire Hazard sa komunidad. (Medalyn U. Borja)
(Source: Provincial Disaster Risk Reduction and Management Office- ZDN)