3 bansa na mayroong travel ban para sa mga Filipino inialis na — DFA

Tatlo pang mga bansa at teritoryo ang nagtanggal na ng travel ban sa mga Filipinong papasok sa kanilang lugar.

Ayon sa Department of Foreign Affairs (DFA), maaari nang bumiyahe muli patungong Macau, Croatia at Senegal ang mga Filipino.

Habang nananatili naman sa listahan ng mga hindi pinapayagang makapasok sa 69 na mga bansa at teritoryo ang mga Filipino.

Samantala, bahagya namang nagluwag sa kanilang ipinatutupad na travel restrictions ang Qatar kung saan pinapayagan na nila ang transit ng mga Filipino sa kanilang bansa.