28.4 C
Manila
Sunday, April 21, 2024

28th Foundation Anniversary Ug 18th Munato Festival Sa Probinsya Sarangani Masaksihan Sa Mga Katawhan Karong Sabado, Nobyembre 28 Hangtud Nobyembre 30 Via Online

- Advertisement -

Masaksihan gihapon sa mga katawhang Sarangan ang selebrasyon sa ika-28 ka tuig nga foundation anniversary ug ika-18 nga MunaTo Festival sa probinsya sa Sarangani taliwala sa nasinatian nga pandemya.

Karong Sabado, Nobyembre 28, hangtud Lunes, Nobyembre 30, masundan ang giandam nga mga pinasahing pasundayag sa Kapitolyo sa Sarangani sa pagpanguna ni Governor Steve Chiongbian kauban sila Vice Governor Elmer De Peralta ug tanang board member, katugbang ang Sarangani Tourism and Investment Promotion Center (STIPC) ug ang Provincial Tourism Council sa pagdumala ni First Lady Maam Michelle Lopez Solon, sa pag-ayuda usab nila Senador Manny ug Congressman Ruel Pacquiao ug mga mayores.

Segun ni Ms. Langlang Purisima, ang provincial tourism officer, makita matud pa ang mga aktibidad live sa Facebook account sa MunaTo Festival tungod gidid-an pa man ang panagtapok sa libuan ka mga tao.

Ang tema sa MunaTo Festival karong tuiga mao ang “Iba’t-ibang Maskara, Bagong Kultura.” Managlahi man ang mga tribo ug relihiyon, managlahi man ang mga papel sa kinabuhi, ma-frontliner man, adunay estado o ordinaryong tao, apan gikinahanglan nga padayong magkahiusa ug magtinabangay tungod sa bag-ong kultura – ang “new normal” nga panginabuhi tungod sa nagpadayon pa nga Coronavirus pandemic sa tibuok kalibutan. Ug labaw sa tanan, ang pag-ila, pagsangpit ug pagpasalamat kanunay ngadto sa Labaw nga Makagagahum.

Dinha sa atong mga laptop, computer ug cellphone, abrihan lang ang Facebook page sa MunaTo Festival. Karong Sabado, Nobyembre 28, alas dyes y media (10:30 AM) sa buntag, i-presenta ang pundasyon sa Sarangani Province gikan sa pagkamugna tuig 1992 panahon nila Congressman James Lee Chiongbian ug Gobernadora Priscilla Chiongbian.
(Provincial Information Office – Sarangani)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -