Cagayan de Oro – MOKABAT 2,776 ka PhilHealth ID cards ug member data record (MDRs) alang sa mga senior citizens sa barangay Kauswagan ang gitunol sa syudad pinangulohan ni Mayor Rolando ‘Klarex’ A. Uy uban sa City Health Insurance Office ug PhilHealth Region 10 atol sa ‘Klarex nga Serbisyo sa Baryo’ nga gipahigayon sa Bongbongon Elementary School, barangay Kauswagan, adlaw’ng Sabado, Mayo 18 ning tuig.
Ang PhilHealth services usa lamang sa nagkadaiyang batakang serbisyo nga gibitbit sa tibuok pwersa sa mga buhatan sa city hall ngadto sa mga kabaranggayan agi’g pagtuman sa tinguha ni Mayor Klarex nga mapaduol ang gobyerno sa katawhan ug ang katawhan mapaduol sa gobyerno.
Gawas sa pagpanghatag sa mga Philhealth IDs ug MDRs, naalagaran sa CHIO ang 419 ka mga molupyo kinsa mipailawom sa managlahing serbisyo sama sa PhilHealth profiling, medical nga konsultasyon, pagpang-apod-apod sa tambal ug mipaubos sa interview alang sa PhilHealth ‘socialization’.
News and photo courtesy of CIO CDO