Mitungtong na sa 590 ang ihap sa nakabsan sa kinabuhi sa Region 12 sa nagpadayong Covid-19 pandemic.
Sa bagong datus sa DOH-Center for Health Development, gikataho nga adunay 27 nga newly-reported deaths sa Soccsksargen sulod sa milabay’ng 24 oras.
Kini ang gilangkuban sa lima gikan sa Midsayap, North Cotabato; tulo sa Kidapawan City; upat sa Polomolok, South Cotabato; tulo sa Surallah; duha sa Isulan sa Sultan Kudarat ug tulo sa General Santos City.
Aduna usab tig-usa ka Covid death sa Carmen ug Matalam, North Cotabato; Lebak, Tacurong City, Esparanza, Bagumbayan sa Sultan Kudarat ug Tampakan sa South Cotabato.
Sa regionwide tally, 165 ang kinatibukang patay sa General Santos City; 178 sa North Cotabato; 29 sa Sarangani; 150 sa South Cotabato ug 68 gikan sa Sultan Kudarat.
Ang natala nga Covid-related fatalities ang milangkob og 3 percent sa total Covid cases sa rehiyon.
(DOH Region 12)