Gikan 2019 hangtod Mayo 2024, ang Zero Balance Billing Policy sa Zamboanga del Sur Medical Center (ZDSMC) nakahatag og mahinungdanong serbisyo sa panglawas ngadto sa 26,098 ka indigent nga pasyente sa Pagadian City lamang. Mao kini ang breakdown kada tuig:
• 2019: 3,922 ka pasyente
• 2020: 4,516 ka pasyente
• 2021: 4,015 ka pasyente
• 2022: 5,389 ka pasyente
• 2023: 5,734 ka pasyente
• 2024 (Enero hangtod Mayo): 2,452 ka pasyente — ug nagapadayon pa!
Sumala sa datos, mokabat sa P115,801,753 ang kinatibuk-ang na-allocate sa maong total number of patients.
Kini nga programa, nga gipaningkamotan ni Gobernador Victor J. Yu, naghatag kasiguruhan nga ang mga kabus nga residente sa lalawigan makadawat og serbisyo medikal nga walay bisan unsang gasto gikan sa ilang bulsa. Ang NBB Policy nahimong haligi sa administrasyon ni Gobernador Yu, nga nagpakita sa iyang walay puas nga dedikasyon sa paghatag og access sa de kalidad nga healthcare services.
Pinaagi niini nga programa, ang ZDSMC nagapadayon sa pagpalambo sa kinabuhi, nagapamatuod nga ang kalidad nga serbisYung panglawas dili lamang usa ka pribilehiyo apan usa ka katungod nga ang matag Zambosurian angay makatagamtam.
*Data Source: Zamboanga del Sur Medical Center
(Source: Victory Zamboanga del Sur Facebook page)