El Oficina del Veterinario del Ciudad, o OCVet, ya anuncia del Jueves cay hay resumi sila el servicio de bajo costo capada del mga gato y perro na Enero 2025.
Asegun con el OCVet, el ultimo actividad de capada de gato y perro para este año ya conduci sila del Deciembre 5.
Asegun con el OCVet, ya capa sila total de 62 gato y perro del Deceimbre 5, el tiempo ya conclui sila el servicio de bajo-costo capada para del año 2024.
El actividad de bajo costo capada es un regular programa del OCVet en liña del esfuerzo del oficina para controla rabies y populacion de animal domestico.
Aquellos quien interesao manda capa del ila animal domestico puede ustedes registra na OCVet na Barangay San Roque durante el hora de oficina. (B. Garcia)