Kinahanglan masayran nato ang pattern sa paggamit sa budget aron mahatagan sa katarungan ang gihangyong pundo.
Kini ang pamahayag ni konsehal Edna Marban-Dahino atol sa executive budget hearing nga gisugdan sa konseho ning syudad sa miaging adlaw, sanglit buot niining masayran ang mga pamaagi sa paggasto sa pundo.
Si konsehal Dahino, ang chairperson sa Finance, Budget and Appropriations Committee, maoy natudlong presiding officer nga gitahasan sa pagtuki sa deliberasyon sa income ug expenditures sa syudad alang sunod tuig.
Atol sa maong budget hearing, gihisgotan ang sugyot nga gahin alang sa Auxiliary Program & Services sa buhatan sa mayor nga naglangkob sa CDO Emergency Assistance/Comcenter, Anti-Drug Abuse Program, Aid to COCPO, Aid to Cagayan de Oro Fire District (COFD), Aid to City Jail-Male Dormetory, Aid to City Jail Female & Juvenile Dormitory ug Aid to PDEA nga mobalor og kapin sa ₱ 63 milyones.
Gituki usab ang gahin alang sa Executive Committees sama sa Regulatory & Compliance Board (RCB), CDO Historical Heritage Commission, Barangay Arbitration Board, City Economic Enterprise Management Board (CEEMB), Environmental Sanitation and Pollution Control Board (ESPCB), Cagayan de Oro River Development Authority (CORDA), Task Force Demolition, Power & Energy Board, Local Health Board, Traffic Management Board, CDO Local AIDS Council, Land & Asset Management Program, Cagayan de Oro Housing Board, Cagayan de Oro City Price Coordinating Council (CDO-CPCC) nga mobalor og kapin sa ₱ 15 milyones.
(Sangguniang Panlungsod – CdeO)