Cebu City – Nasikop sa mga sakop sa Police Regional Office ang usa ka notadong tigbaligya ug paltik nga armas sa Syudad sa Danao, Huwebes sa gabii, Oktubre 8, 2020.
SA gipahigayong Buy-bust operation sa Danao City Police Station nasikop ang usa Ahmed Repaso Martel sa Sitio Cogon, Brgy. Guinsay pasado alas 8 sa maong petsa.
Si PBGen Albert Ignatius Ferro, PRO-7 Regional Director mipasidungog Danao City Police Station atol sa Press Briefing gumikan sa pagka sikop ni Martel.
Si Martel gihulgagway nga usa ka notadong gun-seller sa lugar.
Nasakmit sa maong operasyon ang 15 ka 9mm caliber pistol nga dunay markang ARMSCOR, and siyam dunay serial numbers, samtang ang tulo wala.
Laing nakuha ang duha ka shotgun nga dunay markings nga AKKAR nga dunay mga serial numbers.
Dugang narecover ang duha ka .38 caliber revolver nga nga dunay markings PROTECTOR ug way serial number.
Nabalik sab ang 150 mil pesos nga gigamit isip buy bust marked money nga gigamit sa operasyon.
(Jhon Tadlip Jr.)
(Source & Photo: Police Regional Office – 7)
