Subling nagpahinumdom ang pamunuan sa General Santos City Police Office sa mga station commanders niini, kabahin sa gitakdang 2-week deadline aron resolbahon ang kaso sa sunod-sunod nga shooting incidents sa siyudad.
Sa pakighinabi sa RPN RADYO RONDA GENSAN, giasoy ni GSCPO spokesperson P/Capt. Rissa Hernaez nga aduna na lamang hangtud sa katapusan ning Disyembre ang mga imbestigador aron matuman ang maong direktiba ni GSCPO chief P/Col. Gilberto Tuzon.
“So far, natanong na rin natin ang mga station commanders lalo na iyong humahawak doon sa mga kaso na mayroong, medyo madami ang shooting incidents sa kanilang lugar. At nalalapit na rin po ang timeline na binigay sa kanila. So antayin lang po natin. Sa bilang natin, hanggang katapusan ng Disyembre. Kung sakaling wala pa rin silang ma-solve na kaso, nasa kamay na po ng ating city director kung ano ang nararapat na gawin para sa kanila,” ang tipik sa pamahayag ni Hernaez.
Una nang gipamahayag ni Tuzon, nga igo na ang maong deadline aron makumpleto sa mga otoridad ang pagkuha sa mga ebidensiya ug testimoniya, nga makatabang aron mahatagan og kasolbaran ang mga insidente sa pagpatay, asa nalambigit ang mga riding-in-tandem criminals.
Nagbahad pa si Tuzon nga posibleng maapahamtangan og sanction ang kinsa mang station commander nga mapakyas sa pagsunod sa deadline. (John Rey Somido)