Cagayan de Oro City – Gikonpermar ni Department of Health Director Dr. Adriano Suba-an nga nakatala na sila sa duha ka firecrackers-related incidents ug laing biktima sa saag nga bala didto sa probinsya sa Lanao del Norte. Kini base sa report sa Provincial Health Officer sa maong lugar kabahin sa ilang Monitoring labot na sa pagtagbo sa bag-ong tuig sa rehiyon.
Hinuon matud ni Dr. Suba-an nga dili grabe ang nabuthan, apan sa gihapon nanghinaut nga kini dili masundan pa.
Sayo niini, gikasubo ni Suba-an ang report sa PNP nga adunay namatay sa igo sa saag nga bala sa Manamparan. Nasayran nga nagdula kuyog sa mga ig-agaw ang menor de edad sa pagsugat sa bag-ong tuig sa dihang nahitabo ang insidente. Padayon pang geimbestigahan ang maong kaso.
(Gin B. Serohijos, RPN DXKO OIC | DOH-10)