Arestado sa isinagawang entrapment operation ang dalawang empleyado ng Bureau of Internal Revenue (BIR) dahil sa kasong direct bribery.
Ayon sa ulat ng Presidential Anti-corruption Commission (PACC), dinakip sina Bethshiba Bautista ng BIR Regional District Office at BIR Examiner Rachel Villanueva sa mismong tanggapan ng BIR sa Maynila.
TINGNAN: 2 opisyal ng BIR Manila huli sa joint entrapment operation ng PACC-CIDG/MICU | via @jaymarkdagala
PHOTO: PACC pic.twitter.com/26PyXf4Yik
— DWIZ Newscenter (@dwiz882) December 7, 2018
Dahil ito sa reklamo ng isang kumpanya na hiningan umano sila ng P2 million para i-ayos ang kanilang tax liabilities.
Higit P500,000 ang mapupunta sa gobyerno habang P1.5 million naman ang sinasabing ibubulsa ng dalawa.