2 branch ng St. Lukes Medical Center umabot na sa full capacity para sa COVID-19

Inianunsyo ng St. Lukes na umabot na sa full capacity ang lahat ng kanilang ICU’s, critical beds at wards para sa coronavirus disease 2019 (COVID-19).

Pareho umano ang sitwasyon sa St. Lukes Quezon City at sa Global City.

Dahil sa puno na ang critical beds sa emergency room, marami na umanong pasyente ang nakapila na lamang sa emergency room.

Dahil dito, hinihikayat ng St. Lukes ang mga COVID-19 patients na magtungo na muna sa ibang ospital.

Tiniyak ng St. Lukes na maglalabas sila ng advisory sa sandaling maaari na uli silang tumanggap ng COVID-19 patients.