Nibisita sa Surigao City an first nominee sa Bunyog Partylist nga si Atty. Ricky ” Enzo Recto” Tomotorgo kagaina hapon, Oktubre 6, 2024 sa alas 2:00 an takna sa hapon.
Sa gihimong panagtigom sa Ohanna Beach Resort sa Brgy. Sabang, tagpasabot ni Atty. Tomotorgo nga an Bunyog Partylist isa ka National Political Party nga jaoy miyembro sa halos tanang rehiyon sa Pilipinas ug bisan sa gawas sa nasud.
Isa sa mga prayoridad nan Bunyog Partylist amo an i-promote an anti political dynasty, tutukan an accountability sa mga politiko ug pakusgan an industriyalisasyon sa Pilpinas.
Laong pa ni Atty. Tomotorgo nga ija isab panghingusgan nga wagtangon an political dynasty nga na andan sa Pilipinas.
Malipayon isab si Atty. Tomotorgo sa ija pag bisita dinhi sa syudad nan Surigao human nagpakita nan dako na suporta an mga Surigaonon. (Mark James Lisondra)