General Santos City – Gikahikurat sa taga COMELEC- ALABEL dihang usa ka 72 anyos nga Lolo ang miduso sa iyang “certificate of candidacy” isip Mayor sa Alabel, Sarangani Province karong adlawa, Oktubre 2, 2024.
Gi-ila kini nga si EPHRAIM DEFIÑO, taga Brgy. Ladol, sakop sa nasampit nga lungsod ug milansad pagka-Alkalde sa lunsgod isip Independente.
Kini, para atbangan si Alabel outgoing Municipal Administrator YBING SALARDA-ang asawa ni kasamtangang Alkalde sa maong lungsod Vic Paul Salarda nga maoy gituboy nga mag-Mayor ilalum sa partidong PCM-People’s Champ Movement alang sa 2025 elections, apan wala pa naka-file sa iyang kandidatura sa Comelec.
Si Lolo Delfino maoy labing unang kandidato sa Alabel, Sarangani Province nga miduso sa iyang COC sa naasoy nga posisyon atol sa ika-2 ka adlaw nga COC filing period.