Cagayan de Oro City – Moabot sa 15 ka mga private learning institutions sa Misamis Oriental schools divisions ang pabiling sirado ugmang adlawa, Lunes samtang ang klase mosugod na silong sa basic education’s experimental “blended learning modality”. Traynta ka lain pang mga tunghaan sa probinsya, tanan mga privately-owned and managed ang mosunod usab sa pagpatuman sa maong kahimtang kon dili sila makakuha sa ilang learning continuity plans o LCPs nga aprobado sa Department of Education regional office 10.
Matud pa ni Jonathan dela Peña, ang schools division superintendent nga dili sila maka-operate kon walay aprobado nga LCP. Ang LCP, usa ka basic education’s response sa hagit nga gihatud sa Covid-19 nga gimando nga sagupon nationwide silong sa DepEd Order No. 12 nga gipagula niadtong June 19, 2020.
Dinhi sa Northern Mindanao diin nahimutang ang probinsya sa Misamis Oriental, ang approving official mao si Arturo Bayocot, ang director sa DepEd-10 nga nakabase sa syudad sa Cagayan de Oro.
Sa nakalabay nga adlaw, 44 sa 89 ka mga private schools sa probinsya nga nagtanyag sa 14-yr basic education curriculum ang nakakuha sa ilang LCPs sap ag-operate sa delayed school year nga matapos sa Hunyo 16 sa sunod tuig.
Naa sa listahan sa mga closed schools mao ang Claveria Misamis Oriental Christian Institution nga namugna 36 na ka tuig ang nakalabay. Ang lungsod sa Opol sa pikas bahin nga naa sa weste nga utlanan sa Cagayan de Oro ang adunay duha ka mga tunghaan nga magsira nga mao ang Opol Grace Christian School ug ang Barra Grace Christian School.
Sa este nga bahin, ang manira sa ilang campuses mao ang Agoho Baptist Christian School sa Tagoloan, Balingasag Baptist Christian School, Liberty Christian School sa Villanueva ug San Alonzo de Rodriguez Academy sa Balingoan. Ang uban pang mga tunghaan nga naa sa listahan nga manira mao kining mosunod: Blessed Hope, Wisdom Institute, Mat-i Angel Valley Learning Center pulos lungsod sa Claveria; Archbishop Patrick Cronin Learning Center sa Binuangan, Mount Carmel Development and Learning Center sa Talisayan ug Wellbridge School sa Opol; Christian Kindergarten ug Jesus Nazareth Learning Center sa munisipyo sa Laguindingan apil na ang Gitagum Foundation Learning Center sa weste nga bahin sa probinsya. (DepEd-10)