Patay ang isa ka minor de edad kini human nag hikog gamit ang pisi sulod sa kwarto sa ila bayay sa Purok 4, Brgy. Orok, Surigao City sa may ala 1:00 ang takna sa kadlawon, kagahapong adlawa.
Ang biktima isa ka 15 anyos nga batang babaje, estudiyante, residente sa nahisgutang lugar.
Sa imbestigasyon ni PSSg. Lyndon Gerarcas nasayran nga gikompronta sa inahan ang biktima kalabot na sa waya pagpananghid niini na sa pagpabuyos sa portable radio apan pag balik niini ang naguba na ug nasuko ang inahan. Nasayran usab nga ang biktima ang nag-antos sa sakit sukad niadtong Pebrero 4, 2020 nga jaoy referral gikan sa Barangay Health Worker.
Isa sab ka suicide note nga jaoy nakasuyat nga Perfect Me ang nakit-an sa amahan sa biktima nga nakabutang sa cabinet suyod sa kwarto. Nakasuyat sa suicide note bahin sa pagpasalamat sa mga tawo labi na sa ija pamilya, mga higala, paryente, mga kaklase, magtutudlo, sanan sa ija crush.
Nakit-an na lamang ang biktima nga nagbitay gamit ang pisi ug dali pa gidaya sa hospital apan gideklara kini sa doctor nga dead on arrival. Sa pagkakuman ang patay’ng lawas sa biktima ang jaon kuman sa Nilo Funeral Homes. (Mark James Lisondra, Ronda 21 RPN DXKS)