Kahapon nubisita sa buhatan ni Gov. Lalo Matugas ang 14 ka mga Brgy. Kapitan sa lungsod sa Mainit ilabina ang 6 ka kapitan na mibisita usab didto sa buhatan ni Congressman Ace Barbers niadtong Abril 6 ning tuiga.
Ang Kapitan sa Brgy. Cantugas, Tolingon, Magpayang, Binga, San Francisco sanan Bobonaon uban kanila si Mayor Crisanta Mondano ug ang kapikas niini nga kanhing mayor sa lungsod na si Vice Mayor Ramon Mondano.
Miatubang kanila si Governor Francisco “Lalo” T. Matugas, APAS Sim Castrence ug former Vice Governor Arturo Carlos “Junjun” Egay didto sa Conference Hall sa buhatan sa gobernador.
Tumong ug toyo sa maong pagbisita sa 14 ka mga kapitan uban sa ilang mayor mao ang pagpadayag sa ilang PABILIN nga suporta ug pagpagpasabot nganong nahiabot sila ngadto sa buhatan ni Congressman Ace Barbers diin wala didto sa iyang buhatan ug an miatubang si kanhi Governor Robert Lyndon Barbers.
Unang mihatag sa iyang manifesto si Brgy. Kapitan Perfecto Galves sa Brgy. Cantugas na matud pa miadto siya dili alang sa politika kung dili alang sa proyekto na maihatag sa Abante Surigao ngadto sa iyang katawhan, apan ang suporta ug kamatinud-anon sa administrasyon ni Governor Matugas nagpabilin.
Dayon misunod si Brgy. Kapitan Rodrigo Teves Jr. sa Brgy. Bobonaon namahayag nga wala gayud siya mipasilong sa mga Barbers tungod dako siya ug utang kabubut-on sa mga Matugas. Dugang pa niini muadto siya sa buhatan sa Congressman aron sa paghatud ug resolution namasin nga maaprubahan ang gipangayo nga proyekto, gani 11 ka tuig na kini siya nagsuporta sa administrasyon.
Samtang si Brgy. Capitan Jonger Quinio sa Brgy. Tolingon matud pa miuban lamang kini kay gihagad man, gali walay resolution niining gidala, wala usab siya pangutana-a kung adunay pangayoon niining proyekto apan ang kamatinod-anon sa mga Matugas iyang gibarugan.
Sa Brgy. Binga, namahayag ang ilang kapitan na si Ramil Paniamogan nga ang ilang pag-adto dili pasabot na mibal-is na sila ug partido. Anaa pa ang ilang loyalty ug suporta sa administrasyon magpadayon. Moadto lamang sila aron makapangayo ug dugang budget sa proyekto nga Brgy. Hall na unang gipundohan nan Abante Surigao pero bisan may proyekto kini sila sa maong barangay, nagmadaogon gihapon ang M sa ila, gani 18-0 kini.
Namayahag usab ang ABC President na si Brgy. Kapitan Ronie Orcullo sa Brgy. Dayano nga wala pay micommit na mubal-is sa pikas adton 6 ka mga kapitan na mikadto sa buhatan nan Congressman tungod kay anaa pa gihapon nagpabilin ang solid na suporta sa maong mga kapitan samtang gipasabot niini ngano miadto ang maong 6 tungod sa proyekto nga posibleng maihatag sa mga Barbers kanila. Gani sa liga sa ilang brgy. ila kining nahisgutan ang imbitasyon ni Cong. Barbers ug iya pa kining giingnan na mas maayo magdala nan resolution para naay maipasa apan dili pasabot na mibal-is na.
Samtang si Governor Francisco “Lalo” Matugas nagpasalamat sa 14 ka kapitan ug sa Mayor sa pagbisita sa kapitolyo labaw sa tanan nagpasalamat kini sa suporta sa administrasyon ug sa pagmanifesto nga gipaabot sa mga kapitanes. Gani kagahapon aduna nay mga molo sa proyekto na gusto sa mga kapitan ug gitubag sanan gipabudgetan sa Gobernador an mga proyekto ug problema sa baranggay gisulbad niini, misaad usab kini nga ipadayon ang iyang suporta sa tanang barangay sa tibook nga probinsya ilabina sa nagsuporta sa iyang administrasyon. (Shela Salar, RPN DXKS Surigao)