Davao City – Nagpabilin nga anaa sa talandugong kahimtang an g usa ka 14 anyos nga batang babae human nga giingong miambak gikan sa ikaduhang andana sa usa ka Shopping Center sa dalang bajada ning syudad. Sumala pa sa mga nakakita sa panghitabo nga labihan ang ilang kahadlok dihang nakita nga nahulog ang bata ug nawad-an sa iyang panimuot dihang nagbuy od sa ground floor sa Victoria Plaza.
Daling gitapuk an sa mga tawo ang bata samtang ang Gwardiya sa Mall nagkordon gilayon sa area aron kahatagan ug lugar ang mga miresponding sakop sa Central 911. Sumala pa ubang nakakita sa panghitabo nga mipatong sa puthaw ang bata ug aligasyong nag selfie dihang kalit na lamang nga nahulog.
Samtang sa pakighinabi kay Police Chief Inspector Michael Uyanguren ang hepe sa Sta. Ana Police Station, gibutyag niini nga anaa na sa luwas nga kahimtang ang bata sanglit nadala gilayon kini sa Southern Philippines Medical Center.