Uno el muerto mientras el su 14 años companiero na critical condiscion despues rebenta el un explosiba na cantoy mar del Barangay Rio Hondo, Lunes tarde.
Asegun conel hefe del Zamboanga City Police Office Colonel Rexmel Reyes kay el dos biktima ya ase hampas ba cemento conel ya encontra explosiba y ensigidas este ya rebenta.
Muerto el un disconosido persona mientras critical el 14 años identificao como si Julban Gadungog.
Si Reyes ya abla cay banda 1:53 del tarde del Lunes, ya recibi report el pilicia local kay tiene expkosion ya uwi n mar del barangay.
Ensigidas ya reponde el personahes del Police Station 11 junto conel bomb squad na lugar del incidente.
El polis ya abla cay ya lleba con Gadungog para na hospital pero el de este companiero dead on the spot.
Mas de este, el polis ta ase aora el imbestigacion para determina el clase de explosiba ya rebenta y donde este estaba.
Photo Source/Video Grab: CTTO