$100-B kailangan sa pagtugon vs. COVID-19 —WHO

Aabot sa $100-bilyon ang halaga ng kinakailangang pondo ng mundo para matugunan ang coronavirus disease 2019 (COVID-19) pandemic.

Ito, ayon kay World Health Organization (WHO) Chief Tedros Ghebreyesus, kung saan nasa $100-bilyon aniya ang gagastusin para sa mga kinakailangang kagamitan upang matugunan ang COVID-19.

Batay sa pinakahuling ulat ng WHO, sumampa na sa kabuuang 20-milyon ang bilang ng kaso ng COVID-19 sa buong mundo, kung saan, sa bilang na ito, nasa 750,000 na ang mga nasawi.