Dul-an na sa 10 ka mga menor de edad ang gikataho nga “missing” o wala na maka-uli sa ilahang mga pamilya sa General Santos City, karong bulan lamang sa Abril.
Sa iyahang Facebook page, giasoy ni City Councilor Atty. Franklin Gacal nga midangop kaniya ang unom sa maong mga parents aron magpatabang nga makitan ang ilahang kabataan, diin nagpangedaron og 14 hangtud 18 anyos pa lamang.
Gikataho usab ni Gacal nga natala ang maong mga insidente sulod sa milabay’ng tulo ka semana pa lamang.
“In the last three weeks, a number of minors aged 14-18 went missing in the city. In spite of earnest efforts by the parents to locate these minors, all went to naught. From the time of their disappearance, none was heard from the minors.,” ang tipik sa pamahayag sa konsehal.
Atol sa pakighinabi sa RPN DXDX ??????, gipaniguro usab ni GSCPO chief P/Col. Gilberto Tuzon nga iyaha nang giatasan ang mga concerned police station commanders nga tutukan ang mga natala nga sumbong kalabot sa maong mga missing persons sa siyudad.
(Photo courtesy by Franklin Gacal Facebook account)