Giaprobahan na usab ang usbaw sa suholan sa mga minimum wage earners diri sa Rehiyon 10.
Sa Wage Order No. RX-22 nga gipagawas bag-ohay lamang, ang inadlaw nga sweldo sa mga mamumuo sa Northern Mindanao umentohan ug ₱33 nga ihatag sa duha ka tranches.
Ang ₱23 nga umento epektibo karong Disyembre samtang ang dugang ₱10 kay sa Hulyo 1, 2024.
Ang minimum nga sweldo alang sa non-agriculture sector mahimong ₱423 ngadto sa ₱438 samtang ang agri sector mahimong ₱411 ngadto sa ₱426.
Samtang, giaprobahan usab sa Regional Tripartite Wages and Productivity Board ang ₱500 nga usbaw sa suholan sa mga domestic worker sa chartered nga mga siyudad ug first-class nga mga munisipyo samtang ₱1,500 sa ubang mga lungsod.
Tungod niini, ₱5,000 ang binuwan nga sweldo sa mga housekeeper sa tibuok rehiyon.
News and phot by Cheleste Simene