- Advertisement -
Un cuarenta anios de edad residente del Purok siete, Sition Almandina, Barangay Calabasa el ya keda victima na un incidente de indiscriminate firing del Biyernes denoche.
El Police Station 2 ya nombra con el victima como si Arasad Uddin con kien ya tupa bala na derecho braso.
Base na investigasyon del pulisiya cay el victima ta descansa adentro casa hunto con su familia cuando ya uwi sila sigiditos tiro.
Con el victima ya lleba na Cristino Paragas Memorial Hospital para el tratamiento medical.
El Police Station 2 ta continua de ila investigacion para sabe si kien el suspechao.
El pulis ya recubri maga capsula de nine-millimeter pistola na lugar del incident. (Cristine Falcasantos)
- Advertisement -