- Advertisement -
Maga personajes del Police Station 7 ya aresta con un cuarenta’y dos anios persona na un campanya contra droga ilegal aqui na ciudad de Zamboanga.
El Police Station 7 ya nombra con el arestao suspechao como si Joemar Gandawali con quien ya aresta del Sabado tarde na “buy-bust operation” na Barangay San Jose Gusu.
Maga pulis ya recubri na posesion de Gandawali suspechao shabu que tiene el valor de tres mil tresientos trenta’y pesos, un caha de cigarillo y dosientos markao dinero.
Si Gandawali bajo ahora el custodiya del Police Station 7 myentras ta prepara el pulis para planta formal asunto contra con el suspechao. (April Boy Regino)
- Advertisement -