Nagmabungahon ang diskusyon sa mga opisyales sa Silangan Mindanao Mining Co., Inc. ug LGU-Sison didto sa Sangguniang Bayan Office bahin sa planong pagbalik operasyon sa lungsod. Ubay-ubay nahisgutan sa meeting diin gi-presenta sa SMMCI ang timeline sa kinatibuk-ang operasyon lakip na mga benepisyo nga makuha sa katawhan sa Sison. Gipakita usab nila ang mga facilities nga itukod ug gisaysay ang mga proceso sa operasyon.
Tubag sa ilang pagreport, gipasigurado ni Mayor Karissa R. Fetalvero-Paronia nga mauna ang interes ug proteksyon sa katawhan sa Sison. Gipangunahan sa atong bagtik nga legal consultant, Atty. Rise Faith R. Recabo ang pagsusi sa gipresenta sa SMMCI. Dinhi iyang gihisgutan nga kinahanglang makuha sa katawhan ang tanang benepisyo ug ipatigbabaw ang ‘responsible mining’ nga modelo.
Sa laing bahin, gipasaka ni Vice-Mayor William E. Avila ug SB Member Noel A. Galagala ang issue bahin sa local employment. Dinhi gipaabot sa atong mga opisyales nga kinahanglang i-prayoridad ang pag-hire sa mga taga Sison lakip na ang paghatag ug trainings aron mahimo silang kwalipikado.
Natapos ang meeting sa kasabutan nga magpahigayon ug ‘benchmarking’ ang SMMCI sa mga opisyales sa LGU ug maghatag ug free trainings sa katawhan sa Sison sama sa NCII nan TESDA isip pagpangandam sa pagsugod sa operasyon.
(Source: Sison on the Rise Facebook page)