Agtultuloy ti vaccination program iti Provincial Oovernment of Ilocos Norte pakairamanan kadagiti priority list a pakaibilangan dagiti stakeholder’s iti local tourism industry.
Naammuan nga umabuten iti nasurok a 1,900 tourism workers ti nabakunaan ditoy llocos Norte sipud narugian dagitoy a nabakunaan iti nasao a sector.
Daytoy ket maibasar pay laeng iti naukkon a Data ti Provincial Tourism and Provincial Health Offices ti provincial Government of llocos Norte.
Karaman kadagiti recipients ket tour guides, hospitality personnel, event organizers, food service providers, tour agencies, freelance creative workers, MSMEs, local food delivery drivers ken dadduma pay nga adda pannakainaigna iti biang ti turismo.
Maysa ti llocos Norte kadagiti immuna a probinsia a nangirugi iti rolling out vaccines para iti tourism sector kas paset iti programa tapno magun iti herd immunity.
Napateg met iti pannakabakuna dagiti tourism front liners gapu ta maysa dagitoy kadagiti tulbek iti baliw a pannakalukat manen ti industriya iti turismo ken pannakaisubli ti talek dagiti agbibiahe wenno pumaspasyar ditoy llocos Norte.
Maipalagip a sipud rimsua ti covid 19 pandemic itay napan a tawen, kimmapsut iti bilang dagiti tourist arrival, pamastrekan ken rimmigat iti panagbiag gubbuay ti pandemia.
(Source: Provincial Government of Ilocos Norte – Communications & Media Office)