South Korea nagbigay ng 15-M para sa mga nasalanta ng Bagyong Ompong

Nagkaloob ng 15 milyong piso ang South Korea para sa mga biktima ng Bagyong Ompong.

Personal na ibinigay ng Korean Ambassador to the Philippines Han Dong – Man ang cash assistance kay Philippine Red Cross Chairman Senator Richard Gordon.

Sinabi ni Han, umaasa siyang ang ayuda ay makatutulong upang maibsan ang hirap ng mga apektadong komunidad at mapadali ang pagbangon mula sa trahedya.

Kasabay nito ay nagpaabot din ng pakikiramay ang Republic of Korea sa pamilya ng mga nasawi.