Oro Press Club nanawagan sa publiko pagpalagpot sa way batasan nga konsehal

by RPN News
0 comment
Oro Press Club nanawagan sa publiko pagpalagpot sa way batasan nga konsehal

Ang Cagayan de Oro Press Club o COPC mipagula sa usa ka statement kagahapon Hunyo 10, nga nagkondenar sa giingong pagkaarogante sa usa ka konsehal sa syudad nga si Zaldy Ocon. Ang maong statement gilagdaan sa COPC President nga si Jesus “Ritchie” Salloman diin nag-awhag sa publiko pagpalagpot sa katungdanan ni Ocon. Kini tapos gisinggitan ug gibalikas sa maong opisyal ang usa ka 90 anyos nga kanhi mayor sa syudad nga naka wheel chair atubangan sa publiko suds a VIP Hotel diin matud sa COPC pagpakita sa pagka bastardo ug way grado nga gibuhat ni Ocon.

Tungod sa pagkondena sa maong buhat, nag awhag ang COPC sa publiko nga moanha sa Press Freedom Monument isip venue alang sa mosuporta sa gipasiugdahan niining signature campaign sa pagpalagpot sa katungdanan kang Ocon.

Si Ocon nasublian pagpili pagkakonsehal sa Cagayan de Oro niadtong miaging piliay. Kon madumduman, nahimong kontrobersiya usab ang konsehal kaniadto human nanagpa kini sa usa ka traffic enforcer tapos kini siya gisita kay wa motuman pag-park sa ensakto sa iyang sakyanan.

Related Posts

Leave a Comment