Dipolog: DILG nanghatag ug P11.8M sa 251 ka mga kanhi rebelde sa Bukidnon

0
1

Ang Department of Interior and Local Government (DILG) mihatag ug kinatibuk-ang Php11.808 milyones ngadto sa duha ka gatos singkwenta’y uno (251) ka kanhing mga Rebelde o Former Rebels (FRs)  pinaagi sa Enhanced Comprehensive Local Integration Program (E-CLIP) niadtong Agosto 18, 2022, sa Kaamulan Folk Arts Theater, Malaybalay City, Bukidnon.

Visit RPN DXKO Cagayan de Oro

Ang tanang FR nakadawat ug Php 15,000 isip hinanaling tabang, samtang usa ka gatos baynte (120) ka FR nakadawat ug Php 50, 000 matag usa isip livelihood assistance ug kan-uman ug walo (68) ka FRs para sa suhol sa armas.

Si Gobernador Rogelio Neil P Roque, Probinsiyal nga Gobernador sa Bukidnon, midayeg sa kalihokan, nga nagpasiugda sa turnover sa mga armas, pag-release sa livelihood assistance, hinanaling tabang, reintegration assistance, ug bayad sa armas isip kabahin sa Oath of Allegiance of Former Rebels to the Government of Bukidnon.

Sa iyang mensahe, si Gobernador Roque namahayag, “Isip usa ka gobernador ug usa ka lider ning lalawigan, akong dungog ug pasalamat nga nibalik ka sa pundok sa balaod. Kining mahinungdanong kalihokan maoy pruweba nga wala malimot ang gobyerno sa pagtabang niadtong mga indibidwal nga nanginahanglan. Mga dekada na ang milabay sukad nagsugod kini nga insurhensya, ug karon wala akoy nakita nga hinungdan nga kaming mga igsoon nag-away sa usag usa alang sa pagtuo ug dignidad”.

“Sa pagkakaron, determinado ang gobyerno nga tapuson na kining lokal nga armadong panagsangka sa komunista. Kami mapasalamaton kaayo nga sa katapusan nakahukom ka nga mobalik sa mga toril sa balaod ug mopili sa pagpuyo nga malinawon ug nagkahiusa sa komunidad uban sa imong mga pamilya. Kami naghangyo kaninyo sa pagtabang sa gobyerno pinaagi sa pagpugos sa inyong mga kauban nga aktibo pa sa armadong pakigbisog sa kabukiran ug pagpahibalo kanila sa E-CLIP program sa gobyerno. Hinaot nga kining maong aktibidad magsilbing inspirasyon sa uban nga makapahimulos sa E-CLIP. Mag-uban, mahimo natong tapuson ang insurhensiya”, COL TED B DUMOSMOG MNSA (INF) PA, Officer In-charge, 403rd Infantry Brigade, Philippine Army, miingon. (Cheleste Simene)

LEAVE A REPLY

Please enter your comment!
Please enter your name here