Duha ka makasaysayanong timaan ang gihatag sa National Museum of the Philippines ug gidawat ngadto sa kagamhanang lokal sa Dapitan kagahapong adlawa, Hulyo 26, 2022 diha sa usa ka seremonyas nga gipahigayon sa City Plaza.
Ang mga makasaysayanong timaan mao ang “Lumang Bulwagan ng Munisipyo” o ang karaan nga City Hall ug ang “Mapang Relyebe ng Mindanao” na hinimo pa sa Nasudnong Bayani, Gat Jose Rizal, nga makita sa Plaza ning dakbayan.
Sa mensahe ni Bise Mayor Alfredo “Al” A. Sy, mapasalamaton og dako sa ngalan sa pangagamhanang lokal sa Dapitan tungod kay apil sa National Cultural Treasures ang duha ka historical marker sa Dapitan.
Matud pa ni Jorell M. Lagaspi, ang Deputy Director General for Museums sa National Museums of the Philippines, nga siya mapasalamaton sa pangagamhanang lokal sa Dapitan tungod sa dedikasyon nga molambo pa ang mga kabilin nga pang-kultural.
Dugang usab niya nga ang pagpahigayon sa pagbukas maoy ilang paagi sa pag-uban ngadto sa mga Dapitanon tungod sa paningkamot nga mapreserbar ang mga kabilin hangtod sa umalabot nga henerasyon. Kini usab matagamtam ang kagawasan aron mapadayon ang pag-atiman sa mga monumento nga nagpakita og pagka mamugnaon, industriya ug panaghiusa
(Source: Dapitan City Information Division Facebook page)