Mainitong giturn-over ni Cong. Glona G. Labadlabad ang duha ka proyekto sa Brgy. Sinaman ning dakbayan sa Dipolog nga misuma total og ₱ 3.7M niadtong Pebrero 25 ning tuiga sa may kapin kon kulang alas 4:00 ang takna sa hapon.
Ang mga proyekto mao ang covered court sa Sinaman Integrated School nga nagkantidad og ₱ 1,970,000.00 ug ang Sinaman Covered Court sa kantidad nga ₱ 1,750.000.00.
Niini, mipadayag sa ilang kinasing-kasing nga pagpasalamat sila si Punong Barangay Romeo S. Gomez Sr., City Schools Division Superintendent Dr. Virgilio Batan Jr., ug Sinaman Integrated School Principal Ms. Gina Regaῆon sa mga proyekto nga gihatag sa kongresista tungod kay kini dako kaayo ug ikatabang sa mga kabantan-onan ug mga lumulupyo dinha sa pagpahigayon og mga kalihukan sa barangay ug eskwelahan.
Samtang gikalipay usab ni Cong. Labadlabad nga napahimuslan na ang covered court sa nasangpit nga barangay uban sa pagdasig sa mga katawhan nga dili magpanuko sa pagduol sa iyang buhatan kon dunay panginahanglanon tungod kay bukas kini kanunay alang sa mga yangongo alang kanila.
Nasayran nga sa may alas 11 ang takna sa buntag sa susamang adlaw, giturn-over usab ang covered court sa Zamboanga del Norte National High School Main Campus sa Brgy. Estaka nga mikantidad og ₱ 2.3M diin ang ₱ 300,000.00 niini maoy counterpart sa naasoy’ng barangay.
(Source: Dipolog City Government Facebook page)