- Advertisement -
Bahagyang humina ang bagyong may international name na ‘Wutip’ habang papalapit ito ng Philippine Area of Responsibility o PAR.
Huling namataan ng PAGASA ang bagyo sa layong 1,970 kilometro silangan ng Central Luzon.
Taglay nito ang lakas ng hanging aabot sa 185 kilometro kada oras at pagbugso na hanggang 225 kilometro kada oras.
Gayunman, posibleng maging isa na lamang itong tropical storm sakaling pumasok sa PAR bukas hanggang sa maging tropical depression at hindi inaasahang mag-la-landfall.
Sa oras na pumasok ng bansa, papangalanan ang nasabing bagyo na ‘Betty’.
- Advertisement -