Davao City— Siyam (9) gyod dayon ka mga “Job Applicants” ang na “Hired on the Spot” kon dawat dayon panahon sa ilang pag-apply og trabaho diha sa Comval Capitol atol sa bag-o nahumang “Mega Job Fair” niadtong Marso 4, 2019 nga apil sa mga labing importanteng kalihokan ikaduhang adlaw sa usa ka semanang selebrasyon sa 12th Bulawan Festival ug 21st Founding Anniversary sa Compostela Valley.
“Hired on the Spot” ang 9 sa “Zontar Manpower Services Incorporated” para sa Overseas Employment kon trabaho sa Abroad kauban ang 81 pa ka mga qualified applicants nga tabangan gihapon nga makatrabaho sa laing 11 pa ka Overseas Employment Agencies nga partner gihapon sa probinsiya pagtabang sa mga katawhan nga makakita og trabaho panahon sa bag-o nahumang Mega Job Fair nga gipasiugdahan sa opisina ni Gov. Tyron Uy ug SP Members sa pagpanguna nila ni Vice Gov. Manuel “Way Kurat” Zamora ug Senior Board Member Arturo “Chiongkee” Uy.
Alas 8:00 sa buntag gisugdan ang “Mega Job Fair and One Stop Shop” nga gitawag og “Bulawanong Serbisyo, Trabaho, Edukasyon, Negosyo at Kabuhayan” sa paghatag ni Provincial PESO Manager Lara Zaphire Kristy N. Bermejo sa Welcome Remarks ug Rationale of the Activity nga gisundan sad dayon sa Introduction ni Supervising Labor and Employment Officer (LEO) Miles Atugan kang Gen. Ronald “Bato” De La Rosa nga maoy Guest Speaker niadtong adlawa.
Apil sa mga mihatag og inspiring messages niadtong adlawa sila DOLE Region XI Dir. Raymundo G. Agravante pinaagi ni DOLE Region XI Assistant Dir. Atty. Jason Balais ug Mega Job Fair Officer In Charge (OIC) BM Raul Timogtimog nga maoy mihatag sa mensahe ni Gov. Tyron Uy atol sa maong okasyon.