Gibutyag sa hepe sa Tricycle and Trisikad Franchising Office (TTFO) Mrs. EreΓ±a Paronia nga mikabat na sa 763 ka mga tricycle ang natauran na sa ilang bag-ong galvanized plate numbers hangtod sa Enero 17, 2019 sa 1:45 an takna sa kahapunon sulod pa lamang sa nueve ka adlaw human gisugdan ang pag pang-release niini ug pag pang-taod nga anaa gipahigayon sa Luneta Park.
Dugang pa niini nga adunay 3,068 nga tricycle sa atong dakbayan sa Surigao ang ania nagbiyahe ug karon 763 pa lamang ang natauran sa mga plate numbers. Apan wala kini sila mabalaka kay adunay duha pa ka bulan kapin ang nahibilin nga pwede pa silang magbayad ug mapataud.
Sulti pa sa nasangpit nga ciento por ciento nga magpakakuha tanan ug prangkisa ilabi na ang uban nga adunay problema sa ilang mga unit sama sa kini na-impound o na-disgrasya. Mipaabot ang maong OIC sa iyang panawagan sa tanang drivers sa tricycle lakip na ang mga operator niini nga bisan pa nga na-impound o adunay problema gikinahanglang mapatim-aw kini sa TTFO aron mahilista ug ma-reserve kini ang maong franchise aron sa panahon nga mag-byahe na kini, ang unit pwede kini makakuha sa galvanized plate number ug makalikay sa mga multa nga naka-kantar sa ordinansa.