Pagadian City – Gumikan sa padayong pag taas sa ihap sa Covid 19 active cases sa probinsya, imbis 50 lamang ang bed capacity, miabot na og 78 ang giatiman nga pasyente nga nataptan sa virus, mao kini ang gibutyag ni Dr. Anatalio Cagampang Jr. Ang hepe sa Zamboanga del Sur Provincial hospital.
Ug tungod kay ‘overcrowded’ na ang Covid-19 facility, pagabuksan sa dili madugay ang usa ka temporary treatment monitoring facility (TTMF) kun community isolation unit nga dunay 35-bed capacity aron maakomodar ang daghan pang pasyente.
Ang maong pasilidad gigama sa Department of Public Works and Highways nga makita duol sa Gatchalian Court sa Dao Provincial Government Complex. (Victory Zamboanga del Sur)