El mga personajes del Zamboanga del Sur Maritime Police Station (ZDS MARPSTA) recientemente ya entrega un serpiente conocido como el piton reticulada na Oficina Provincial de Medio Ambiente y Recursos Naturales, o PENRO, na Zamboanga del Sur.
Asegun con Police Major Benzar Mukarram, el jefe del ZDS MARPSTA, con el serpiente ya rendi canila el un concierne residente conocido como si Junrel Alipopong. Despues de entrego, el mga personajes del PENRO ya conduci inicial evaluacion y na buen salud el serpiente.
Asegun con del Departamento de Medio Ambiente y Recursos Naturales, o DENR, con el serpiente hay lleva na Regional Wildlife Rescue Center na Barangay Baclay, Tukuran, Zamboanga del Sur, para mas del evaluacion y rehabilitacion.
“Una vez considerao puede ya larga, con el serpiente hay devolve na su natural habitat,” el DENR ya habla na un anuncio. Mientras tanto, el DENR ta apela con el publico para reporta algun encontrada de protejido especies con el propio autoridad. (B. Garcia)