El mga autoridad ya aresta un persona tiene pendiente asunto criminal de intento de homicidio na un operation de aplicacion de ley na provincia del Zamboanga del Sur, asegun con el policia del Viernes.
El policia nohay mas nombra con el arestao acusao excepto de hablar ele un siembrador quien tiene el edad de 58 años. Asegun con el policia, con el siembrador ya aresta na un operacion de aplicacion del ley por medio de implementacion de un orden de aresto mga ala 1:50 del Jueves tarde na Barangay San Francisco, ciudad de Pagadian, Zamboanga del Sur.
Asegun con el policia, el arestao siembrador tiene pendiente orden de aresto sin recomendao piansa por el crimen de intento de homicidio que ya dale el un corte na ciudad de Pagadian del Marso 6, 2025.
Asegun con el policia, con el arestao acusao ya pone bajo’l custodia del policia na ciudad de Pagadian para el propio disposion legal. (B. Garcia)