El Zamboanga del Sur Maritime Police Station (ZDS MARPSTA) oficialmente ya entrega del Jueves un serpiente clasificao como el “Reticulated Python” na Oficina Provincial de Medio Ambiente y Recursos Naturales, o PENRO, Zamboanga del Sur.
Asegun con el ZDS MARPSTA, con el serpiente ya recivi si Edilberto Obenza, Jr., del PENRO-Zamboanga del Sur, base na Barangay Gatas, ciudad de Pagadian para el propio disposicion.
Asegun con el ZDS MARPSTA, con el serpiente ya entrega con el de ila personajes del Jueves el un residente del Barangay Anonang, Dumalinao, Zamboanga del Sur.
El Reticulated Python es reconocido como un especies en peligro bajo el Philippine Red List of Threatened Wildlife Fauna y protejido del Ley de Republica 9147, conocido tamen como el Wildlife Resources Conservation and Protect Act.
El entregada del serpiente ta descata el importancia del cooperacion del comunidad y efectivo implementacion de ley para salvaguarda con el especies en peligro.
Tal esfuerzos ta asegura cay el fauna es cualquiera ya debolbe na su habitat natural o proporcinao con el necesario ciudada por su superviviencia. (B. Garcia)