Uno del mga personas mas buscada el ya aresta el mga autoridad na un operacion de aplicacion de ley na ciudad de Zamboanga, asegun con el policia del Martes.
El policia ya identifica con el arestao personas mas buscada como si Gilbert Dela Cruz, el personas mas buscada na jurisdiccion del Zamboanga City Police Station 3 (ZCPS3).
Asegun con el policia, con Dela Cruz ya aresta na un operacion de aplicacion de ley por medio na implementacion de orden de aresto mga alas 5:40 del Domingo tarde na Barangay Sangali, costa este del ciudad de Zamboanga.
Asegun con el policia, si Dela Cruz tiene pendiente orden de aresto de tres cuentas de estatutorio abuso carnal y dos cuentas de actos de lascivia sin recomendao piansa que ya dale el un corte na ciudad de Zamboanga del Noviembre 27, 2024.
Con Dela Cruz ya pone bajo na temporario custodia del ZCPS3 para el propio disposicion y proceso de conformidad na procedimiento legal. (B. Garcia)