El mga autoridad ya aresta dos personas na separao operaciones contra droga ilegal na Zamboanga del Sur y ciudad de Zamboanga, asegun con el policia del Martes.
El mando regional del policia nohay identifica con el dos arestao personas fuera lang de habla’r el uno de ila es un chufer the trak y el otro un trabajante de construccion.
Asegun con el policia, con el chufer del trak ya aresta na un operacion de compra busto mga alas 8 del Lunes aga na Purok 2, Barangay Dionum, Piñan, Zamboanga del Norte.
El policia ya habla, ya confisca na posesion del chufer 3.8 gramos the suspechao shabu que tiene el valor de P35,360, y dinero de compra busto.
Asegun con el policia, con el trabajante de construccion ya aresta na otro operacion de compra busto mga alas 9:43 del Domingo denoche na cementerio de chino, Barangay Tumaga, ciudad de Zamboanga.
El mga operativas ya confisca na posesion del trabajante de construccion 6.01 gramos de suspechao shabu que tiene el valor de P40,868, y dinero de compra busto.
Asegun con el policia, con el dos arestao suspechao ya detene en preparacion para el plantada del asunto contra canila por violacion del Ley Integral de Drogas Peligrosas de 2002. (B. Garcia)