El Zamboanga City Police Office en colaboracion con el gobierno local ya conduci tres dias entreno del mga Barangay Anti-Drug Abuse Council (BADAC) el linia con el objectivo final de hacer con el Zamboanga un ciudad libre de drogas.
Asegun con el oficina de informacion publico del gobierno local el entreno ya conduci desde Martes hasta Jueves que ya atende el mga oficiales desde’l 98 barangays del ciudad de Zamboanga.
El entreno destinao para ensenia con el mga participantes el necesarios habilidades y sabidoria para efectivamente conduci operaciones de limpieza de drogas na de ila cada’y cual comunidades.
El mga importante topicos que ya descuti durante el entreno ya inclui el situacion de droga na ciudad de Zamboanga, organizacion y funciones del BADAC, programa de rehabilitacion y otros pa mga importantes asuntos.
El conducida del entreno es un significante esfuerzo en refuerzo con el capacidad del mga lideres local para combate asuntos relatao na droga na comunidad. (B. Garcia)