El Regional Tripartite Wages and Productivity Board (RTWPB) ya aprova el omento de P33 na salario minimo diario del mga obreros na privado sector na Zamboanga Peninsula.
Asegun con Albert Gutib, el director regional del Departamento de Obras y Empleyo, quien ta servi como el presidente del junta de salarios, el omento salario efectivo na Diciembre 12 base na orden salarial numero 23.
Asegun con Gutib, el salario minimo diario del mga obreros na sector de non-agriculture, incluido establicimiento de comercio minorista y servicio empleando 10 y mas trabajantes hay subi desde P381 para na P414 cada dia.
El salario minimo diario del mga obreros na sector de agricultura, incluido establicimiento de comercio minorista y servicio empleando nuev y menos trabajantes hay subi desde P368 para na P401 cada dia.
Asegun con Gutib, el junta de salaries ya hace el decision despues del conducida del series de consultacion na mga provincias de Zamboanga Sibugay, Zamboanga del Norte, y Zamboanga del Sur y na mga ciudad de Isabela y Zamboanga.
Si Gutib ya habla, el nuevo orden salarial numero 23 ya firma el mga miembros del junta de salaries del Noviembre 11 y hay queda efectivo na Deciembre 12, este año. (B. Garcia)