El mga autoridad ya aresta con el uno del mga persona mas buscada na un operacion de aplicacion de ley na provincia del Zamboanga del Norte, asegun con el policia del Jueves.
Si Police Brigadier General Bowenn Joey Masauding, el director del mando regional del policia, ya identifica con el arestao persona mas buscada como si Jayson Dalman Niñofranco, de legal el edad.
Asegun con Masauding, con Niñofranco ya aresta na un operacion de aplicacion de ley por medio na implementacion de un orden de aresto mga alas 6:20 del Martes denoche na Barangay Goleo, Sindangan, Zamboanga del Norte.
Si Masauding ya habla, si Niñofranco tiene el pendiente orden de aresto por el crimen de robo calificado que ya dale el un corte na Sindangan, Zamboanga del Norte.
Asegun con Masauding, si Niñifranco amo el number 10 persona mas buscada na municipio de Sindangan.
Con Niñofranco ya pone bajo’l custodia del policia na municipio de Sindangan para el propio documentacion y disposicion de conformidad con el procidimiento legal. (B. Garcia)