Ya principia ya del Jueves tarde el “Zamboanga City Division Athletic Association (ZCDAA) Meet” nombrao como el “Juego Calificando na Ciudad de Zamboanga 2024”.
El ZCDAA ta hace na Joaquin Enriquez Memorial Sports Complex na Barangay Baliwasan.
Total de ocho grupos con mas o menos 5,000 atletas ay competi para el titulo na 24 evento de deportes durante el cuatro dias actividad que ya organiza el oficina de division del ciudad de Zamboanga del Departamento de Educacion.
Na su mesanje, el Alcalde John Dalipe ya motiva con todo’l mga atleta para abraza con el verdadero espiritu de deportividad y razonable juego, maquin ya menciona le cay el “Division Meet” hinde lang simplemente un competicion pero un celebracion de deportividad, educacion y el inflexible espiritu del mga jovenes.
“Puede el mejor de lo mejor ay gana en este Division Meeet para representa canaton na Zamboanga Peninsula Regional Athletic Association meet” si Dalipe ya habla. (B. Garcia)