El Western Mindanao Command (Westmincom) ya conferi medalla con el mga extrovertida personajes del Special Operations Task Force 511.2 (SOTF 511.2) quien ya servi na Westmincom por seis meses.
El conferida de medalla ya conduci na un simple ceremonia que ya hace na cuarto de conferencia del Westmincom, Campo Navarro, Calarian, ciudad de Zamboanga del Miercoles.
Si Brigadier General Taharudin Ampatuan, el diputado comandante para operaciones de defensa interno, ya presenta el premio de Military Civic Action Medal (MCAM) con Major Wesley Dyson, el comandante del SOTF 511.2, y otro mga oficiales y personajes del grupo.
Asegun con el Westmincom, el medalla ya conferi con el mga miembros del SOTF 511.2 en reconocimiento con el de ila valuable contribuciones na acomplicimiento na mision del mando durante de ila asignacion na quartel del Westmincom desde Febrero 1 hasta Julio 31, 2024.
El liderato del Westmincom ta presenta tamen un Plaque de Mando con Dyson en reconicimiento del su meritorisio y invaluable servicio que ya dale le con el mando.
Si Dyson ya expresa su gratitud con Tiniente General William Gonzales, el comandante del Westmincom y entero familia del Westmincom por el hospitalidad y experiencia recompensando que ele y su grupo ya adqueri durante el de ila asignacion na mando unificado de elite del Fuerza Armada del Filipinas.
Mientras tanto, si Ampatuan ya transmiti el gratitud de Gonzales con el extrovertida personajes del SOTF 511.2.
“Felicidades y mejor de las suertes na de ustedes esfuerzo futuro,” si Ampatuan ya habla.
Presente durante el ceremonia de premiacion amo el mga personajes del mando unificado que ta encabesa si Coronel Emmanuel Cabasan y el entrante personajes y si Major Alexander Grubbs, el nuevo comandante del SOTF 511.2. (B. Garcia)